بعد ماشفنا طريقة تنصيب لينكس وتقسيم الهارد بشكل آمن في صفحة التبديل الى لينكس
بهذا المقال راح نتناول اذا جنت تريد تبقي بجانت وندوز او تبقي كنظام اساسي(بدون وندوز)
بعد ما فتحت الك واجهة لينكس بعد عملية البوت الي سويناها سابقا راح نجي نكمل اعدادات التنصيب كل توزيعة الها واجهة خاصة بالتنصيب راح ناخذ بهذا الشرح اوبنتو كمثال لان اشهر واحد واعتقد انته هم راح تبلش بي
خل نبلش بالخطوات حته تنصبه بجانب وندوز بالصور
- اول متفتحة راح تطلعلك واجهة او برنامج التنصيب اختار التالي
- اختار اللغة سواء عربي تريد او انجليزي اوبتو يدعم العربي زين
- خيارات اضافة معليك لحد الان بيهن مو كلش مهمات ف كمل للتالي
- اختار نوع الكيبورد لايوت الي راح تكتب بي احنه بالعراق مانستخدم غير الافتراضي ف بقي نفسه
- اربط على الشبكة الي موجود وتكدر متربط كل ملفات التنصيب موجودة وحاضرة
-
اذا تريد تنصبه اختار اول خيار اذا تريد مجرد تجرب اختار الثاني
-
بهاي الحالة احنه نختار التنصيب
-
كمل بقيه الاعدادات افتراضي لحدما توصل لهاي الصورة لتسوي كلشي لان خطرة كلش
- الخيار الاول راح يختار المساحة الي سويناها سابقا وينصب عليها لينكس وهذا الشي الي نريده
- الخيار الثاني يمسح ملفاتك كلها وينصب لينكس وحدة ما انصح بي بالبداية!!!!!!!
اختار الخيار الاول وكمل
- بقية الشغلات خليها افتراضيه
لحدما توصل هنا
- خلي اسمك او اي اسم تريد
- خلي اسم الحاسبة او نفس مانسمي hostname
- والرمز همات راح يكون لحسابك الخاص
-
اختار المنطقة علمود الوقت
-
بعد هاي العملية اختار التالي التالي على الخيارات الاضافيه وراح يبدء التنصيب انتظر بعد التنصيب راح يكلك سوي اعادة تشغيل نفس ما موضع بالصورة اسفل
- اظغط اعادة تشغيل وراح يفتح الك بوت اوبشن اختار اوبنتو الي راح تشوفه الى جانب لينكس
خل اشوفكم البوت اوبشن او نفس ما نسمي الGrub شلون شكله
اختار اوبنتو ومبروك عليك النظام
تكدر تقره همات خطوات بعد التنصيب
ملاحظة الصور من موقع اوبنتو الرسمي وبعد الصور للتوضيح من مواقع اخرى